> Faqja pare > Ngjyrat > Çfarë ngjyre të pëlqen?

Çfarë ngjyre të pëlqen?

Kuptimi ngjyrave

ngjyrat

E zeza– pastron veten dhe ambientin.
Kjo ngjyrë simbolizon magmën e madhe prej së cilës ka lindur çdo gjë. E dimë që errësira (e zeza) absorbon gjithçka: ana pozitive dhe ana negative shkrihen bashkë, në gjendjen ekzistuese dhe të padiferencuar që ishte para krijimit.

E bardha – përmirëson shëndetin
Kjo ngjyrë shpreh pafajësi, spiritualitet, vetminë absolute, por edhe dritën e brendshme.

Na stimulon që të jemi mirë fizikisht, këshillohet kur kemi ndonjë problem apo fatkeqësi fizike për të zgjidhur, veçanërisht kur varen nga psiqika jonë.

Blu – e kaltër – zhvillimin e brendshëm
Bluja i referohet pafundësisë së dimensionit tonë të brendshëm dhe pavetëdijës. Është ngjyra që na nxit të jetojmë sipas nevojave të shpirtit. Na ndihmon të rigjejmë ekuilibrin dhe harmoninë dhe zbut nervat e tepërta.

Jeshilja – për të pasur sukses dhe për t’u rigjeneruar.
Është ngjyra që tërheq prosperitet, lidhet me natyrën dhe rritjen e brendshme dhe mund të jetë efikase për rikuperimin e shëndetit. Është ngjyra e shpresës për një jetë të re, e rinisë dhe e qetësisë.

Roza – për problemet sentimentale.
Është ngjyra e dashurisë së përsosur. Është mirë të përdoret për problemet në çift, për të zgjidhur problemet me parterin tuaj.

E kuqja – na jep plot energji.
Është symbol i kurajos, forcës, iniciativës dhe fuqisë seksuale. Na mbron nga armiqtë, nga sëmundjet e ndryshme, na nxit të reagojmë.

Grija –frenon teprimet
Kjo ngjyrë lidhet me pavetëdijen, zbulon pasigurinë tonë, pavendosmërinë dhe mungesën e entuziazmit. Është ideale për ekuilibrin psikofizik.

Kafe (gështenjë)–favorizon gjërat konkrete
Na jep një vizion të qartë, në situata të ndryshme në fushën e punës. I referohet tokës dhe ka lidhje të ngushta me realitetin përreth.

E verdha – e artë– zhvillon krijimtarinë
Është ngjyra e intelektit dhe e përceptimit, ndjell gëzim dhe lumturi, kështu që është e dobishme për gjendjen depresive, stresin. Është ngjyrë që pastron mëlçinë dhe lëkurën, stimulon tretjen. Është e dobishme në rastet me ulçerë gastrike.

Vjollca –analizat ndaj vetvetes
Na bën të reflektojmë, na ndihmon të dalim nga varësia e alkolit dhe drogës dhe nga dashuritë e gabuara. Është e dobishme për pagjumësinë dhe mendimet e fiksuara. Zbut gjithashtu nervozizmin e tepruar dhe zemërimin.

Portokallia – të rigjesh humorin e mirë
Portokallia bashkon energjinë fizike dhe mendore, stimulon idetë dhe konceptet, rrit ndjenjat, shkakton ndjenja mirëqënieje të përgjithshme dhe deshirën për të jetuar. Përfaqëson ngrohtësi dhe prosperitet, entuziazëm, përkushtim dhe vendosmëri.

 

Nëse të pëlqen ngjyra e kuqe: je person pasionant, impulsiv, energjik dhe mjaft mirë fizikisht.

Nëse të pëlqen ngjyra e bardhë: je person i ndjeshëm, një histori e ftohtë dashurie ju bën melankolik/e.

Nëse të pëlqen ngjyra kafe: je konstruktiv dhe mbrojtës, flet pak por je i/e aftë për të bërë gjithçka.

Nëse të pëlqen ngjyra rozë: je njeri joshës dhe sensual, por ju shumë i sinqertë dhe besnik.

Nëse të pëlqen ngjyra e verdhë: je njeri i ngrohtë dhe bujar, por keni xhelozi të tepruar.

Nëse të pëlqen ngjyra jeshile: je i këndshëm dhe pak ëndërrimtar, por as vetë nuk e di se çfarë kërkon.

Nëse të pëlqen ngjyra portokalli: jeni person i sigurtë në vetvete dhe i ekuilibruar.

Nëse të pëlqen ngjyra e zezë: je person serioz, klasik dhe i besueshëm. Keni ambicje të theksuar.

Nëse të pëlqen ngjyra blu: je person i sinqertë, zemërgjerë dhe të pëlqen drejtësia.

Nëse të pëlqen ngjyra vjollcë: je person shumë shpirtëror, fokusuar në botën e brendshme.

Nëse të pëlqen ngjyra gri: je pak person i ftohtë dhe duhet të silleni më ëmbëlsisht. Nuk doni të bini shumë në sy.

 

Ngjyrat e fatit dhe qirinjtë

Për të përmirësuar situatën në fusha të ndryshme (dashuri, para, punë etj.) duhet të zgjidhni të ndizni qirinj me ngjyrën e përshtatshme, në ditën e përshtatshme. Duhet të ndizen të paktën tre qirinj. Ngjyra duhet të lidhet me ditën dhe planetin që e sundon atë.
E Hëne – Hëna – e bardhë dhe e kaltër
E Martë – Marsi – e kuqe
E Merkurë – Merkuri – e verdhë e fortë, kafe, gështenjë
E Enjte – Jupiteri – blu, vjollcë
E premte – Venusi – rozë, jeshile
E shtunë – Saturni – e zezë, jeshile e errët, kafe e errët
E dielë – Dielli – portokalli, e verdhë e artë

 

Tags:

  • Twitter
  • Facebook

Komentet jane te mbyllura.