> Faqja pare > Shenja apo yjesi > Ndryshimi ndërmjet shenjave dhe yjesive

Ndryshimi ndërmjet shenjave dhe yjesive

yjesite
PSE DUHET TË JENË 12 DHE JO 13 SHENJA?

Para 2500 vjetësh pikat e ekuinokseve ndodheshin në yllësinë e Dashit dhe Peshores. Në kohën e sotme, ato janë zhvendosur në yllësinë e Peshqve dhe Virgjëreshës dhe ky proçes quhet “lëvizja e ekuinokseve”. Me këtë fakt astronomët duan të hedhin poshtë astrologjinë. Ajo çfarë ata nuk kuptojnë është ndryshimi midis një shënje dhe një yllësie.
Një shenjë thjesht përshkruan një pjesë specifike prej 30 grade në zodiak; yllësia është thjesht figura (imazhi) që krijojnë shumë yje bashkë në qiell. Shenjat janë emërtuar sipas yllësive që u qëndronin pranë. Edhe pse yjësitë mund të kenë lëvizur kjo nuk ka rëndësi për astrologjinë perendimore/tropikale sepse shenjat bazohen tek stinët. Pra, shenja e parë, Dashi, nis me stinën e parë Pranverën, pikërisht në ekuinoksin pranveror (21 mars), Peshorja në atë vjeshtor (23 shtator) kur dita dhe nata janë të balancuara, Gaforrja fillon në solsticin veror (22 qeshor), ndërsa Bricjapi nis në solsticin e Dimrit (22 dhjetor). Pra, aq sa lëvizin datat e fillimit të stinëve aq lëvizin dhe datat e shenjave.
Në fakt pranë rrethit zodiakal shtrihen 13 yllësi: e 13-ta quhet Ofiukus (gjarpërmbajtësi), por kjo nuk ka lidhje me astrologjinë perëndimore, pasi astrologët e lashtë morën emrat e 12 yllësive të tjera për të emërtuar shënjat e zodiakut. Qielli është i ndarë në 12 pjesë të barabarta prej 30 gradësh dhe po të ishin 13 shënja siç pretendojnë disa të mbiquajtur “astrologë”, atëherë të gjithë rregullat e astrologjisë së vërtetë do të prisheshin.
Dielli, Hëna dhe planetet gjatë rrugës së tyre në Ekliptikë përshkojnë vetëm 12 shënja. Në qiell ka plot yllësi të tjera si: Orioni, Arusha e Madhe, Sirius, Shqiponja, Gjarpri, Qeni, etj. por neve na interesojnë vetëm 12, nga të cilat kanë marrë emrat shënjat zodiakale.precession

SHENJA ZODIAKALE -DATA TROPIKALE
Dashi =21 mars – 19 prill
Demi =20 prill- 21 maj
Binjakët= 22 maj- 22 qershor
Gaforrja =23 qershor –22 korrik
Luani =23 korrik- 22 gusht
Virgjëresha =23 gusht-22 shtator
Peshorja =23 shtator -22 tetor
Akrepi =23 tetor- 22 nëntor
Shigjetari= 22 nëntor -21 dhjetor
Bricjapi =22 dhjetor – 20 janar
Ujori =21 janar- 18 shkurt
Peshqit= 19 shkurt- 20 mars

SHENJA ZODIAKALE -DATA SIDERALE
Dashi -15 prill – 15 maj
Demi -16 maj – 15 qershor
Binjakët -16 qershor – 15 korrik
Gaforrja- 16 korrik – 15 gusht
Luani -16 gusht- 15 shtator
Virgjëresha- 16 shtator – 15 tetor
Peshorja- 16 tetor – 15 nëntor
Akrepi- 16 nëntor- 15 dhjetor
Shigjetari -16 dhjetor- 14 janar
Bricjapi -15 janar -14 shkurt
Ujori -15 shkurt -14 mars
Peshqit -15 mars- 14 prill

SHENJA ZODIAKALE – DATA ASTRONOMIKE (13 shenja)
Dashi -18 prill- 13 maj
Demi- 14 maj – 19 qershor
Binjakët -20 qershor – 20 korrik
Gaforrja -21 korrik – 19 gusht
Luani -20 gusht- 15 shtator
Virgjëresha -16 shtator- 30 tetor
Peshorja -31 tetor- 22 nëntor
Akrepi -23 nëntor- 29 nëntor
Ofiukus (gjarpërmbajtësi) -30 nëntor- 17 dhjetor
Shigjetar-i 18 dhjetor- 17 janar
Bricjapi -18 janar- 15 shkurt
Ujori 16 -shkurt – 11 mars
Peshqit – 12 mars- 17 prill

Emërtimi i shenjave sipas stinëve

Dashi është emërtuar me këtë emër për shkak se në kohën e tij (në mars) Dielli thyen akullin e tokës si një dash që sulmon me brirët e tij. Në muajin e Demit (prill) qetë punojnë tokat për t’u mbjellë gruri apo misri, por shpjegimi i Binjakëve ka lidhje me hapjen e komunikimit në natyrë. Në Gaforre Dielli nis fillon të lëvizë mbrapsht (si një gaforre); Luani e ka marrë emrin nga nxehtësia e kohës kur Dielli është më i fuqishëm se kurrë (korrik), Virgjëresha quhet ashtu sepse toka shteron dhe nuk prodhohen më fruta – pra kalon nga vajzë e re në plakë të vjetër. dhe Peshorja nga ekuinoksi, kur dita dhe nata janë në barazpeshë. Akrepi lidhet me natyrën që po vdes nga helmi i tij, dhe shigjeta e Harkëtarit barazohet me breshrin që shpon dhe me daljen për gjah. Bricjapi përkon me ngritjen e Diellit sepse dhia kullot nëpër vende të larta. Ujori dhe Peshqit shpjegohen nga stina e shirave.

Tags: , ,

  • Twitter
  • Facebook

Komentet jane te mbyllura.